海洋公園「哈囉喂」2023

每年萬聖節必去嘅「海洋公園哈囉喂」又返嚟喇！今年以「鬼．校．輪．迴」做主題，入面有6大必玩驚嚇體驗，包括「AEON信用卡呈獻：怨靈鬼校」、「怨靈異域」、「妖怪の森」、「咒偶II」、「SOMERSBY呈獻：壹捌靈實驗室」、「異度空間」～自問膽量大嘅朋友仔，記得同一眾嘩鬼同學挑戰「鬼校輪迴之旅」啦行完鬼屋仲可以欣賞「魔間女王祭典」同埋「嘩鬼大匯演」，隨時有妖魔鬼怪現身歡迎各位新同學入學

除咗體驗猛鬼校園之外，記得去「億世家“好盞鬼電器”呈獻：搗蛋糖果派對」邊玩邊打卡！仲點少得大玩攤位遊戲，贏走多款萬聖節限定造型公仔！玩咗咁耐肚仔餓，試埋哈囉喂主題嘅「怨靈鬼校遊學團」便當同古靈精怪甜品就啱晒喇搞鬼之餘，打卡一流啊～臨離開呢個校園之前，一於入手埋鬼馬可愛嘅哈囉喂主題精品，延續萬聖節氣氛即刻去片率先睇吓今年「海洋公園哈囉喂」有咩一定唔可以錯過啦！

2023 哈囉喂！齊齊「全民造鬼」！

---

年年哈囉喂都畀人嚇？唔想坐以待「斃」，緊係要主動出擊！海洋公園哈囉喂 2023 現正展開「全民造鬼」招募活動，目標係召集 1,200 個想要一展身手嘅「鬼才」，加入嘩鬼大家庭！

就算冇演藝相關經驗，只要你有熱誠、有能力，都千祈唔好錯過呢個好機會！一於化身「街鬼」、喺恐怖鬼屋駐場「招呼」訪客，甚至化身滑行者製造靈異現象，盡情發揮你嘅獨特才華！除咗嘩鬼演員，我哋都想發掘幕後同前線專才，齊齊打造全民狂歡嘅哈囉喂體驗！

有興趣嘅「鬼才」，記得 2023 年 6 月 17 同 18 日喺尖沙咀 The ONE UG2 中庭，即場報名申請面試！你亦可以透過「全民造鬼」連結報名 https://bit.ly/3OVgMjQ，入圍嘅候選嘩鬼將於 6 月底至 7 月初獲邀參加面試，喺「地獄面試官」前表現自己！哈囉喂星探團已經等緊大家～期待下星期見到你！